Бүген, 5 мартта, Татарстанда салкын һәм карлы һава торышы көтелә.
Бу хакта ТР Гидрометеорология үзәге хәбәр итә.
Республикада болытлы һава, урыны белән кар һәм буран булуы ихтимал.
Секундына 5-10 метр тизлек белән төньяк-көнбатыштан искән җилнең юнәлеше көнчыгышка үзгәрәчәк. Көндез аның тизлеге урыны белән секундына 13 метрга кадәр җитәчәк. Юлларда бозлавык саклана.
Көндез Татарстанда -5...-10 градус салкын булачак.