Көлік министрінің айтуынша өткен жылы 48 млрд теңге түсіп, жол жөндеу жұмыстарына игерілуде.

Көлік министрлігінің басшысы Қарағанды-Алматы бағытындағы жолдың құрылысы аяқталғанын – бұл учаскелер ақылы жолға айналып, кезең-кезеңімен ақы төленетінін атап өтті.

"Қызылорда-Арал тас жолы да ақылы жолға айналады, бірақ тек коммерциялық қызметпен айналысатын ауыр жүк көліктері үшін, жеңіл көліктер үшін бұл тегін қалады. Уақыт мәселесіне келсек, инфрақұрылым мен камераларды орнатуға уақыт керек. Біздің есептеуіміз бойынша, Қызылорда-Арал учаскесінде жол ақысы жыл басында енгізіледі. Қалған бөлімдер айлар бойынша бөлінген: кейбіреулері екінші тоқсанда, кейбіреулері үшінші тоқсанда енгізіледі. Екінші жартыжылдықта учаскелердің басым бөлігі ақылы жолға айналады", – деп қосты Марат Қарабаев .

Оның айтуынша, өткен жылы 48 млрд теңге түсіп, жол жөндеу жұмыстарына игерілуде.

"Қазақстанда республикалық маңызы бар 25 мың шақырым жол бар, оларды жыл сайын күтіп ұстауға шамамен 80 миллиард теңге қажет. Демек, түсетін сома жеткіліксіз. Сондай-ақ жол жөндеуге арналған мамандандырылған техниканы сатып алуды көбейттік", – деді Марат Қарабаев.

Бұған дейін көлік министрі Марат Қарабаев ақылы жолдардан түсетін қаржының бір бөлігі құрылыс жұмыстарына алынған несиенің пайыздық мөлшерлемесін жабуға жұмсалатынын айтқан болатын.

Сурет: Zakon.kz